ЖАС КОМПОЗИТОР
13.08.2018
800
0

Алматылық ең жас композитор Нұрәлі Бейсеқожа жетім балаларға арнап «Сыйлайық өмір сәбиге» атты шығарма жазды.


13 жасар Нұрәлі Ахмет Жұбанов атын­да­ғы дарынды балаларға арналған респу­б­ли­калық Қазақ мамандырылған музыка мек­теп-интернатында білім алуда. Маман­дығы скрипкашы, екінші аспабы – пианино. 4 жасынан бастап пианинода ойнап, 6 жасында алғашқы шығармаларын дүниеге әкелді. Халықаралық және Республикалық байқаулардың жеңімпазы. Республикалық «Гам­маны шебер орындау», «Пьесаны ше­бер орндау» байқауларының 1-орын иегері, Music Star байқауының жеңімпазы, Қазақс­тан Республикасының композиторлары одағының басшысы Балнұр Қыдырбек­қы­зының марапаттауымен «Қазақстандағы ең жас композиторы» дипломының иегері.
Қазіргі таңда 20-ға жуық шығармалардың авторы, соның ішінде «Анашым», «Балалық шақ», «Қазақ вальсі», сонымен қатар Денис Тенге арналған «Аққан жұлдыз» атты туын­дылары бар. Атап өту керек, Нұрәлі Бей­сеқожаевтың ағасы Ғаламат өткен жылы Елбасы Кітапханасында Нұрсұлтан Назарбаев­қа арналған “Атадан мұра” күйін жұртшылыққа ұсынған.

Аяулы ҚУАНЫШ

ПІКІР ҚОСУ