Жуырда Астанадағы «Фолиант» баспасынан жазушы Дәулет Сейсенұлының «Жәнібек Кәрменов» деп аталатын деректі кітабы жарық көрді. «Нартұлға» сериясымен жарық көрген кітапта әйгілі әнші, белгілі қаламгердің өмірі мен шығармашылығы нақты деректермен жан-жақты қамтылған. Кешегі кеңес заманында өзінің дара дарынымен дәстүрлі ән өнерінің көгінде қалықтап, халқының жүрегінен орын алған талант иесі жайында жазылған кітаптың өз оқырманын табатындығына күмән жоқ.

---

Бұған дейін автордың «Жәнібек ән салады…» атты пьесасын Семейдегі Абай атын­дағы сазды драма театры сахналаған болатын. Жуырда сол пьеса жергілікті кәсіпкер Қай­рат Тайтөлеуовтың демеушілігімен әншінің елі Қарауыл ауылында қойылды. Жаңа спек­такль премьерасын қарауылдықтар жылы қабылдады. Жаңа кітаптың тұсауы да осын­да кесілді. Қос туындының авторы Дәулет Сейсенұлын ел-жұрты құрметпен қар­сы алып, сый-сияпат көрсетті.

Раушан НҰҒМАНБЕКОВА