АҚШ-тың World Champions Olympic байқауынан алтын жүлдеге ие болған «Бастау» домбырашылар тобының мүшесі Темірлан Олжабай – ақын, сазгер Естай Беркімбайұлының ұрпағы болып шықты.

---

Еске сала кетейік, шоу-биз­нес­тің ас­та­насы Лос-Анджелесте 22-рет ұйым­дастырылған олим­пиадада 72 мемлекеттің өкілдері бақ сынасқан болатын. Қазақстан алғаш рет қатысып, алтын медальді иемденді. Бай­қау жүлдегері атанған «Бастау» тобының мүшелері – Ернат Наурыз және Те­мірлан Олжабай. Естайдың шөбересі Фархат Әміреновтың айтуынша, Те­мірлан – халық композиторы, атақты «Қорлан» әнінің авторы Естай Беркім­байұлы­ның ұрпағы болып шықты. Темірланның атасының аты – Олжабай Арал. Ол – Екібастұз ауданының ең бірінші әкімі болған. 22 жастағы Темірланның ана­сы Арманның айтуынша, ол домбыраны 5 жасынан бастап меңгерген. Қазір та­лантты жігіт Астана қаласындағы Қазақ Ұлттық өнер университетінің 3-курсында оқиды.                                                                                                          Аяулы ҚУАНЫШ