Мұқанов хатханасы
06.07.2018
779
0

Жуырда С.Мұқанов пен Ғ.Мүсіреповтің әдеби-мемориалдық музей кешенінің ұйымдастыруымен «Мұқанов хатханасы – Письмотека Муканова» атты хаттар жинағының тұсаукесері өтті.
Жинаққа қазақ әдебиетінің классигі, ХХ ғасырдың көрнекті жазушысы, академик-жазушы С.Мұқановтың 1924-1973 жылдар аралығында өзі жазған және бас­қалардан алған хаттары топтас­ты­рылған. Бұл хаттарда әр жылдардың бояу-бедері мен қоғамдық-саяси өмірдің тынысы және есею кезең­дерінің суреттері де сақталған. Кітап мазмұны оқырманның қызығушы­лығын оятатыны рас. Ол парасатты, пайымды оқырмандарға, әдебиет тарихын және жазушы шеберха­насын зерттеушілерге арналған.
Кітап тұсаукесерінде М.Құлкенов, К.Ахмет, Қ.Сәрсенбай, Н.Ақыш, С.Қорабай, Р.Ниязбек, Ә.Меңдеке, Ғ.Әнес, Д.Сейсенұлы, С.Саров, Қ.Тарыбаев, Б.Тайшеев, Р.Жүніс­қызы, Е.Құбашева сынды ақын-жазушылар, қоғам қайраткерлері және С.Мұқановтың қыз­дары Баян мен Жанна, «Ақниет» кор­поративтік қорының төрағасы Асқар Көкімов қатысты. Қатысушылар шара барысында өзара ой бөлісіп, бұл хаттар жинағының рухани жаңғыруға қосылған үлкен үлес, асыл қазына екендігіне тоқталды. Кітаптың тұсауын Қазақстан Жазушылар одағы Басқарма төрағасының орынбасары Мереке Құлкенов пен Баян Сәбитқызы Мұқанова кесті. Кітап «Ақниет» корпоративтік қоры қам­қоршылық кеңесінің төрағасы С.Аб­дул­лаевтың демеуші­лігімен жарыққа шықты. Тұсаукесерді С.Мұқа­нов пен Ғ.Мүсіреповтің әдеби-мемо­риал­дық музей кешенінің жетекшісі  Ә.Қайырбеков жүргізді.

ПІКІР ҚОСУ

Ваш адрес email не будет опубликован.

Пікір