Жуырда көрнекті жазушы, кинодраматург Смағұл Елубай сыр өңіріне барып қайтты. Арал ауданын аралап келген қаламгер Шиелі ауданы әкімдігінде оқырман­дармен кездесті. Кездесуді Шиелі ауданының әкімі Қайратбек Сәрсенбаев ашты. Жиын барысында құрметті қонақ Сыр өңірінің жаңарып, көркейе түскендігіне, әр саланың дамуы арқылы елдің әлеуеттік жағдайының жақсарғанына сүйсінісін білдірді. Шиелі ауданының әкімі Қ.Сәрсенбаев жазушыға шығармашылық табыс ті­леп, иығына шапан жапты.
Сол күні жазушы-драматург Бекежанов, Ы.Жақаев мұражайларының жұмысымен танысып, ауылдағы Еңбек Ері Шырынкүл Қазанбаеваға сәлем берді. Бір кездері қазақ хандығының орталығы бол­ған Сығанақ қаласының археологиялық жұмыстарына қы­зығушылығын білдіріп, көне қала орнын аралады. Қа­ламгер Оқшы Ата кесенесіне де кідіріп, жеті әулие жат­қан жерге зиярат етті. Мәртебелі қонақтың сыр өңі­ріне сапары кезінде облыс әкімінің кеңесшісі А.Са­ғым­баева мен Шиелі ауданы әкімінің орынбасары А.Есма­ханов бірге жүрді.