Халықаралық білім кеңістігінде тығыз байланыстарды дамытып, тәжірибе алмасу мақсатында 2017 жылдың 4-14 шілде күндері аралығында Оңтүстік Корея республикасының Кенбук ұлттық университетінің 18 студенті Қазақ Ұлттық Аграрлық университетіне арнайы келді.

Аталған шара аясында екі оқу ор­нының студенттері бірлесекен се­минарларға қатысып, білікті ға­лым­дардан дәріс алып, ауыл­шаруа­шылығы білімі мен ғылымы сала­сын­дағы ізденістерін сарапқа са­л­ды.
Тәжірибелік сабақтар арасында 10 шілде күні кореялық студенттер Ал­маты қаласындағы Жасыл ел шта­бымен және ҚазҰАУ жастарымен бірге Медеу шатқалында эко­ло­гиялық патрульге шығып, табиғат аясын тұрмыстық қалдықтардан тазарту акциясына қатысты.
Аймақты түрлі тұрмыстық қо­қыстардан арылтып, тазалық жұ­мыстарын жасаған аграрлық білім ордасының студенттері сенбілікті көтеріңкі көңіл-күймен өткізді. Сон­дай-ақ шара барысында студент­тер жастар санасында экологиялық мә­дениетті қалыптастыру, осы са­ла­дағы басқа да өзекті мәселелер төңі­регінде өз ойларымен бөлісіп, тә­жірибе алмасты.
«Көп түкірсе – көл» демекші, ең­кейген қарттан бастап еңбекке жа­рамды адамдардың барлығының ара­сында табиғат ананы қастерлеуге де­ген серпіліс оянса, осындай ең­бек­қор жастардан үлгі алса, қаламыз күл-қоқыстан арылып, тазалығы, көрік-келбеті едәуір артар еді.