Қазақ композиторы, пианист Рахат-Би Әбдісағын әлемдік мәдениет үшін тарихи қадамға барды. Оксфорд университетінің шақыруымен ол ғылым мен өнер бір дыбыста тоғысқан тұңғыш кванттық симфонияны ұсынды.

Автордың өзі «органның ежелгі энергиясын болашақ дыбыс — кванттық материямен» біріктіруге ұмтылғанын атап көрсетеді. Оның сөздері жаңа дәуірдің манифесі сияқты естіледі: музыка Әлемнің тіліне айналады, ал кванттық симфония – оны дәстүрлі аспаптар үшін қол жетпейтін деңгейде есту әрекеті.
Рахат-Би Әбдісағынның есімі Еуропаның беделді орындарында жиі естіліп жүр. 2024 жылы ол Лондон музыканттарының табынатын компаниясының күміс медалімен марапатталды. Бұл – Ұлыбританиядағы ең көне марапаттардың бірі. Оның бүкіл елдегі соборларда қойылған «Брюс» операсы Букингем сарайында Король Чарльз III атынан алғыс хат алды.
Оксфорд премьерасы академиялық музыканың шеңберінен шыққан оқиға. Бұл жай концерт емес, Қазақстанның бүгінде әлемге ұсынатын түбегейлі жаңалығы бар екенін көрсететін мәдени қимыл. Музыка тарихында «кванттық симфония» ұғымы пайда болды және ол қазақ композиторының есімімен байланысты.

Аяулым МАРАТОВА,
Абылай хан атындағы халықаралық қатынастар және
тілдер университеті, 1-курс студенті