Мақсатымыз – Тәуелсіздікті баянды ету
02.12.2016
906
0

Несіпбек АЙТҰЛЫ,
ақын


Қазақстан Жазушылар одағының басқарма Төрағасы Нұрлан Оразалин өткен тарихқа шолу жасай отыра, Тәуелсіздіктің мән-мағынасы, осы уақытқа дейінгі жеткен жетістігіміз жөнінде жақсы баяндама жасап, үлкен ойлар айтты. Осы ретте, Сіздерді
Ел Тәуелсіздігінің 25 жылды­ғымен құттықтағым келіп отыр! Бағана: «Тәуелсіздік – ұлт тұтастығының белгісі» деген сөз айтылып қалды. Бәзбіреулер үшін Тәуелсіздік Көктен түсе қалған сияқты, оңай келе қалған секілді көрінуі мүмкін. Нақтысында, олай емес. Тәуелсіздік – ғасырлар қойнауына кеткен ата-бабаларымыздың қанымен, аналарымыздың көз жасымен киелі ұғым. Тіптен арыға бармай-ақ, бергі «Зар заман» кезеңі, Алаш көсемдері, Совет Одағы тұсындағы қазақ қаншама қиындықты, қаншама зобалаңды басынан өткерді. Осы Тәуелсіздік турасында көптеген шығармалар жазылды!

Егемендік үшін күрес ешқа­шан тоқта­май­ды. Себебі, Алып империялардың Әлем­ді басқару жо­лындағы жорығы кезінде Тәуел­­­сіздік үшін күрес жалғаса бер­­мек деп ой­лаймын. 25 жылда жет­кен жетістігіміз бен әлі жүзеге асырылмаған біршама дү­­ние­ле­рі­міз бар. Бізге ала­көз­деніп отырғандар да же­терлік. Тіл шұбарлығы, дін шұбарлығы осын­­дай бір ойға жетелейді екен. Сон­дық­тан Тәуелсіздікті қор­ғау – қаламды қару еткен қауым­­ның мойнында екенін ұмыт­­па­ғай­сыздар. «Егемен­д­і­гі­міз, Азаттығымыз тура­сында туын­­дылар жоқ…», – деп ауызды құр шөппен сүртуге дағ­ды­ланғанбыз. Бұл оймен келіс­пей­мін. 25 жыл ішінде қаншама шы­­ғармалар туды. Бір ғана мысал кел­тірейін… Жуырда, Астанада Әбіш Кекілбаев шы­ғар­машылығына байланысты үл­кен жиын өтті. Ондағы қа­рым­ды қаламгердің «Еге­мен Қа­зақстан» басылымында жа­рық көр­ген мақалаларының өзі 1600 беттен аса­ды екен. Сондағы 500 бет кірпіштей кітап болып шықты. Көптеген поэмалар, ро­ман­дар, по­вестер, әңгімелер жа­зыл­ды. Сол себепті, Сіз­дерді ұлт байрағының түбінен табылу­ға ша­қырамын. Осы ретте, ақын-жазушылар ұсақ-түйек, ырың-жырың, бос сөз, қысыр әңгіме, пе­ндешілік, кекшілдік, қас­тас­тық се­кілді кесірлі нәрсе­лерден биік болуы керек. Өйт­кені, Біз Еңселі елдің қалам­гер­ле­рі­­міз! Ұлт­тық мүддені қорғап, ұлттық мә­­се­лелерді шешетін уақыт әлі алда деп бі­ле­мін. Сыншыларымыз, әдебиет­­тану­шы­ларымыз ширек ғасыр ішінде не жазылып, не жазыл­ма­ғанын саралап, сараптап, көпшілікке түсін­дірсе деген тілек бар. Біздің ең басты мақ­сатымыз – жастар жүрегінде отансүй­гіш­тік, ел­жандылық сезі­мін оятып, тәр­бие­леп, солар оқи­тын жақсы шығармалар жазу, үл­кенді үлкен деп, кішіні кіші деп танып, Тәуел­сіздікті баян­ды ету. Бәрі­ңізге рахмет, ме­­рекеміз құтты болсын!..

ПІКІР ҚОСУ