Алматы облысының «Тамшыбұлақ» әдебиетшілер қауымдастығы мен Дәнеш Рақышев атындағы қордың ұйымдастыруымен қазақтың жезтаңдай әншісі, сазгер, Қазақстанның халық әртісі Дәнеш Рақышұлының туғанына 90 жыл толу мерейтойына орай «Ән қанатындағы жыр» атты республикалық жазба ақындар байқауы Талдықорған қаласында дүркіреп өтті.

20-40 жас аралығындағы ақындар қа­тыс­қан, екі тапсырмадан тұратын бұл бай­қаудың шарты бойынша «Ән өнерінің ақ­берені» атты бірінші бөлімде ақындар Дә­неш Рақышұлына арнаған өлеңдерін оқы­ды. «Ән қанатындағы жыр» атты екін­ші бөлімде Дәнеш Рақышұлы орындаған ән­­дерге арналған өлең сайысы ұйым­дас­тырылды. Ақын, жазушы Әділбек Алпысбай (қазылар алқасының төрағасы), ақын, журналист, Алматы облыстық «Жетісу» га­зеті редакторының орынбасары Нүсіп­бай Әбдірахым, ақын, аудармашы Жүкел Ха­май, ақын, этнограф, Алматы облысы жә­не Панфилов ауданының Құрметті аза­маты Әдепхан Жақыпбай, Дәнеш Ра­қыш­ұлының қызы, Жаркент өнер мектебінің ди­ректоры Гүлнәр Рақышева бар қазылар ал­қасының  шешімі бойынша қатысушы­лар арасынан мына ақындар жүлдегерлер мен жеңімпаздар қатарынан көрінді:

50 мың теңгеден ынталандыру сый­лы­ғы­на Дастан Ақаш (Астана), Сәтжан Кәріп­баев (Семей), Мұхтар Күмісбек (Тал­дықорған), Құрманғазы Жұмағұлұлы (Ас­тана), Панфилов ауданы әкімінің арнайы жүлдесіне (50 мың теңге) Таңсәуле Еркін­қы­зы (Қарағанды) ие болды.

Үш үшінші орынды (70 мың теңге) Абай Ораз (Қарағанды облысы, Жез­қаз­ған), Нұржан Байтусов (Шығыс Қазақстан об­лысы, Абай ауданы), Еркін Исахан (Ал­ма­ты облысы, Панфилов ауданы) өзара бө­лісті. Екінші орынға (100 мың теңге) Тоқ­тарәлі Таңжарық (Алматы қаласы) пен Ол­жас Қасым лайық  деп танылды. Бірінші орын­ға тігілген 150 мың теңгеге Астанадан кел­ген ақын Ықылас Ожай ие болса, бас жүл­дені ақын Ерлан Жүніс жеңіп алып, 200 мың теңгеге ие болды.