Тағы бір аяулы әріптесімізден айырылдық. 76 жасқа қараған шағында белгілі ақын Мергенбай Әбуов өмірден озды.
Мергенбай Әбуов 1941 жылғы 14 мамырда Оңтүстік Қазақстан облысы, Төле би ауданы, Жаңа тұрмыс елді мекенінде туған. 1956 жылы Қапланбек малдәрігерлік техникумына түсіп, оны 1960 ж. бітіріп, 1961 ж. Шымкент қаласындағы Пединститутқа түсіп, 1965 жылы қазақ мектептеріне орыс тілі пәнінен дәріс беретін мұғалім мамандығы бойынша бітірген. Сол жылдан бастап зейнеткерлікке шыққанша 40 жыл «Қайнар», «Нысанбек» орта мектептерінде қызмет еткен.
«Түркілер түбірің», «Құшағымда күншуақ», «Ай бетінде кіршік бар», т.б. кітаптары жарық көрген.
Аяулы әріптесіміздің жарқын бейнесі оны білетіндердің жүрегінде ұзақ сақталады.
Қазақстан Жазушылар одағы басқармасының секретариаты.
Жаның жәннаттан болсын ұлт жанашыры, рухани дамыған ақиық ақын, білімдар аудармашы, түркітанушы, тарихты жатқа білетін аяулы ұстаз! Енді сіздей дарын иесін ұлықтайтын, зерттеп зерделейтін, еңбектеріңді ақтарып пікір білдіретін кез келді… Ия, «ғалымның хаты өлмейді», — дегендей өзін ақынмын, аудармашының, сыншымын, әдебиет жанашырымын, ғалыммын дегендер ақынның өлеңдерін, аудармаларын зерттесе биік шыңға көтеріліп, таза ауамен тыныстары сөзсіз, һәм рахаттанары хаһ… Қазақ елін осы кісінің аудармалары арқылы Ресейге, тіпті әлемге танытуға болар еді…
"Қазақ әдебиеті" — Қазақстан Республикасының әдебиет, мәдениет және өнер газеті. Әр апта сайын, жұма күні шығады.
Газет 1934 жылдың 10 қаңтарынан бастап шыға бастады. «Қазақ әдебиеті» газеті — Қазақстан жазушылар одағының органы ретінде тұңғыш саны 1934 жылдың қаңтарында жарық көрген.
«Қазақ әдебиеті» - газетінің тарихы
Студия «Team28»