АУДАНЫ «АҚ БИДАЙДЫҢ» АВТОРЫН АРДАҚТАДЫ
28.10.2016
901
0

b-riev59 жасында өмірден өткен жазушы, кинодраматург, аудармашы Әміртай Бөриевтің 70 жылдығы өзі туып-өскен Жуалы ауданында аталып өтті.

Әуелі жаңа оқу жылы қарсаңында пайдалануға берілген Абай атындағы орта мектептің жаңа ғимаратында қалам­гердің атына сынып ашылуымен басталған мерейтой аудан орталығында марқұмға арналып ас беруге ұласты. Одан кейін аудандық мәдениет үйінде «Артында өшпейтіндей із қалдырған» атты еске алу кеші ұйымдастырылды. Марқұмның бұған дейін жарық көрмеген повестер мен әңгімелері, пьесаларынан тұратын «Жер бетінде ауыл бар» жинағы мен ол туралы «Ақ бидайымен» әйгілі болған Әміртай» естеліктер кітабының тұсауке­сер рәсімі жасалды. Белгілі ақын, курс­тас досы Зейнолла Тілеужанов Ә.Бө­риевтің өмір жолы жөнінде баянда­ма жасап, ізінен ілескен қаламгер інілері Д.Тұрлыбек, Қ.Әзімхан, М.Рысдәулет, Т.Әлімбекұлы, Т.Айтбай­ұлы, А.Шымырбай шығармалары туралы сөз қозғап, қызықты естеліктер айтты.

 

ПІКІР ҚОСУ