Биыл «Алаш» қозғалысының көшбасшысы, қа­­зақтың көрнекті мемлекеттік қайраткері, «Алаш Орда» қазақ ұлттық автономиялық үкі­метінің төрағасы – Әлихан Бөкейханның туғанына 150 жыл толды. Әлихан Бөкейхан  ХХ ғасырдың басында қазақ халқының мемлекеттілік белгілерін ғана емес, сондай-ақ КСРО құрамындағы Қазақ автономиялық республикасының (кейіннен ҚазССР) аумақтық шекараларының заңды түрде бекітілуіне ықпал етті.

Қазақстан Республикасының Ұлттық Банкі «Ақ  жол» демократиялық партиясының бастамасымен Әлихан Бөкейханның 150 жылдығы құр­ме­тіне бағалы металдардан коллекциялық ме­рей­тойлық монета жасап, партияның орталық кеңе­сінде монетаны таныстырды.

Бұдан біраз уақыт бұрын бұқаралық ақпарат құ­рал­дары ЮНЕСКО-ның Бас ассамблеясы Әли­хан Бөкейханның мерейтойлық іс-шараларына ха­лықаралық мәртебе беру және оны ЮНЕСКО шең­берінде өткізу туралы қарар қабылдағанын ха­барлаған болатын.

Ал 2015 жылдың 23 желтоқсанында «Ақ жол» пар­тиясы «Қазпошта» АҚ басшылығына Әлихан Бөкейханның 150 жылдығының құрметіне арнайы пошта маркасын шығару туралы ұсыныс айт­қаны белгілі. 2016 жылдың 12 шілдесі күні «Ақ жол» партиясында осы марканы айналымға шы­ғарудың  салтанатты рәсімі өтті.