Әл-Фараби атындағы Қазақ Ұлттық университетінде «Абай» халықаралық клубы мен «Аманат» әдеби журналының 15 жылдығына орай салтанатты жиын өтті.

Осы әдеби клуб пен басылымның құ­рыл­тайшысы, жазушы Роллан Сей­сен­баевтың 70 жасқа толуы мерейімен тұспа-тұс келген шараға көрнекті ақын О.Сү­лей­мен­ов, қоғам қайраткері М.Әуезов, Жазу­шылар одағының Бас­қар­ма төра­ғасы, ақын Н.Оразалин, Е.Попов (Мәс­кеу), режиссер С.Нарымбетов, С.Дзю­­ба (Ук­раина) белгілі журналист Б.Ғаб­дул­лин, В.Берязев (Новосібір) ше­тел­дік және отан­дық жазушылар, әдебиет­шілер мен ға­лымдар, студент жастар қа­тысты. Жиын­­ның ашылуында сөз алған ЖОО рек­торы Ғалым Мұтанов жазушы Роллан Сей­сенбаевты мерейлі жасымен және елеу­лі еңбектерінің 15 жыл­ды­ғымен құт­тықтап, ҚазҰУ ғалымдары мен сту­денттері аты­нан иығына шапан жапты. ҚазҰУ рек­торы өз сөзінде: «Абай» халық­аралық клу­бы мен «Аманат» журналын «Қазақ­станның әдеби бренді», – деп атады. Жиын барысында сөз алған ҚазҰУ ғалымы Ө.Әбдіманов Түрксой Бас хатшысы Дүй­сен Қасейіновтің құттықтау хатын оқып берді. Жазушы шы­ғар­маша­лығы туралы басты баяндама жасаған филология ғы­лым­дарының докторы Асылан Жақсы­лықов Роллан Сей­сенбаевтың «Ібіліс та­ғы» романына жан-жақты талдау жасады. Кон­ференция ба­­ры­сында «Менің 100 кіта­бым» жоба­сы­ның тұ­сауы кесіліп, кітап көрмесі ұйымдастырылды.