Қазақстан Республикасы Мәдениет және спорт министрлігінің  «Әдебиеттің әлеуметтік маңызды түрлерін басып шығару»  бағдарламасы бойынша  Қазақстанның еңбегі сіңген қайраткері, «Парасат»  орденінің иегері, Франц Кафка атындағы халықаралық Алтын медаль сыйлығының лауреаты, «Жыл Адамы – Алтын Адам», Қазақстан меценаттар клубының, «Платиналы  Тарлан»  сыйлықтарының лауреаты, көрнекті ақын Шөмішбай Сариевтің «Таңдамалы» кітабы «Айғаным»  баспа үйінен жарық көрді.

Ақын Шөмішбай Сариев 2000 жылы Бухаресте «ЮНЕСКО» ұйымдастырған Румынияның ұлы ақыны Михаил Эминескуге арналған бүкіл дүниежүзі ақындарының бас қосқан симпозиумына Қазақстан және Орта Азиядан қатысқан жалғыз ақын,  Па­риж­де өткен дүниежүзілік «Ақындар көктемі» фести­валіне қатысып, өлеңдері  француз тіліне аударылып,  «Дала желі» жыр жинағына енген. Қазақтың жеті ақыны­ның бірі ретінде  Америка­да жарық көрген «Ұлы дала жы­ры» энциклопедиясына енген.  «Теңізден соққан жел лебі»  атты таңдамалы өлеңдері  үнді тіліне аударылып, Дели қаласында өткен тұ­сау­кесер тойына қатысты. Бұл «Таңдамалы»  –  ақын Шөмішбай Сариевтің Қазақ­стан Тәуелсіздігінің 25 жыл­дық мерейтойына тартуы.