Жетіскен МӘКЕНАЛЫ
12.08.2016
2365
0

Жетискен_МАКЕНАЛЫТағы бір аяулы әріптесімізден айы­рылдық. 62 жасқа қараған шағын­да белгілі ақын, журналист Жетіскен Мә­кеналы дүниеден өтті.

Жетіскен Мәкеналы 1952 жылы 7 маусымда Қазалы топырағында дү­ниеге келген. 1985 жылы С.М.Киров атын­дағы Қазақ мемлекеттік уни­вер­ситетінің журналистика фа­куль­тетін бітірген. Шығар­машылық еңбек жолын 1983 жылы 5 мамырда Қазалы ау­дандық «Ленин туы» газетінің бө­лім меңгеруші қызметінен бастаған. Қа­залы аудандық мәдениет бөлімінің меңгерушісі, аудандық тіл бас­қар­ма­сының бас маманы, аудан әкімі аппараты ішкі саясат секторының бас ма­маны, Ғани Мұратбаевтың тарихи-ме­мориалдық музейінің аға ғылыми қызметкері, Қазалы аудандық мә­дениет бөлімінің меңгерушісі, ау­дан­дық мәдениет және тілдерді дамыту бөлімінің меңгерушісі, Ғани Мұрат­баевтың тарихи-мемориалдық му­зейі­нің директоры, аудандық «Қа­залы» газеті МКК директоры-бас ди­ректоры міндетін атқарушы, Бас ре­дакторының орынбасары қыз­мет­терін абыроймен атқарған.

Қазақстан Журналистер одағы­ның, КСРО Журналистер одағының мүшесі.

Ж.Мәкеналы ұзақ жылдар бойы өлке тарихын зерттеумен айналысқан. «Ортаймаған қазаны, қасиетті Қа­за­лы», «Тамыры терең, тарихы ке­нен – Қазалы», «Асандар көтерілісі», Ғани Мұратбаевтың өмірі мен қызметі, жас­тарға рухани тәрбиесі туралы «Мен – Ғанимын», «Ғани тағылымы» атты кітаптары мен ХХІ ғасырға ама­нат» атты жыр жинағы жарық көр­­ген.

Қазақстан Журналистер ода­ғы­ның «Құрмет грамотасымен», Қа­зақ­стан Республикасы Мәдениет ми­нистрлігінің «Құрмет грамотасымен», Қазақстан Республикасы Мәдениет және ақпарат министрлігінің «Мә­де­ниет қайраткері» белгісімен, Қы­зы­лорда облыстық партия комитетінің   «Құрмет» грамотасымен, Қазалы ау­да­ны әкімінің «Алғыс хатымен», «Қы­зылорда облысына 70 жыл» және «Қы­зылорда қаласына 190 жыл» ме­рекелік медальдарымен марапат­тал­ған.

Аяулы әріптесіміздің жарқын бей­несі оқырмандары мен оны біле­тін­дердің жүрегінде ұзақ сақталады.

Қазақстан Жазушылар одағы
басқармасының секретариаты.

ПІКІР ҚОСУ