ҚАЙЫМ – «АЛЖИРДЕ» 
05.08.2016
851
0

IMG-20160719-WA0002Астана қаласындағы Саяси қуғын-сүргін және тоталитаризм құрбандарының «АЛЖИР» мемориалды-музей кешенінде қазақтың көрнекті ғалымы, абайтанушы, ұстаз, ҚР Мемлекеттік сыйлығының иегері Қайым Мұхамедхановтың 100 жылды­ғына арналған «Абайтанудың асқан білгірі» атты көрме ашылды.

Көрменің аталған мәдениет ошағы мен «АЛЖИР»-де ашылуының сыры Қайым ағаның қызыл диктатурадан тартқан азабынан хабардар заман­дасқа түсінікті болса керек. Абай музейінің бұйрықтар кітабынан «1951 ж. 13 желтоқсан, N47 бұй­рық. Бұрынғы директор Мұхамедханов 2 жел­тоқсаннан бастап тұтқындалуына байланысты жұмыстан босатылған болып саналсын» деген жазбаны оқимыз. Осылайша «халық жауы» ретінде 25 жылға бас бос­тан­дығынан айрылған Қайым аға «Қар­ЛАГ-та» өткізген төрт жылдың ішінде еңсесін тік ұстап, қайсар мінез таныт­қаны мәлім.

Көрменің мақсаты ғұлама-ғалым, абайтанушы Қайым Мұхамедхановтың мұрасын, оның  өмірі мен  шығармашылы­ғын, қоғамдық қызметін насихаттау. Абайдың әдеби-мемориалдық қорық-мұражайының ұйымдастырылу, қалып­тасу ісіне көрнекті ғалым­ның белсене араласуын, іргесін қалап, ісін жалғас­тыр­­ған,  жүйелеген еңбегін мейлінше ашып көр­сету.

Көрме жұмысы бір айға созылып, одан әрі Еуразия мемлекеттік универ­си­тетінің «Отырар» кітап­ханасы мен Ә.Марғұлан атындағы №40 мектепте жалғасады.

ПІКІР ҚОСУ