Көшпенді елдің бүгінгі ұрпағы біздер ата-баба әруағын ардақтап, телі мен тентекті тиятын сабыр үстемдігінің иесіміз. Өркениет деген қастерлі қатарға күні кешегі социализм жүйесі әдейі қоспай, кемсіткенінің кесірінен жапа шеккен қазақ – бүкіл адамзат дамуына Жеті Жарғысын қосқанын жалғанға жария қыла алмай, іштен тынғаны өз алдына бір қасірет еді. Қазақ қазақ болғалы атаның сақалын сыйлап, ананың ақ сүтін құрметтеген жөн-жоралғыларға қайтадан үңіліп, ағайындық қарым-қатынастың ұлттық нышанын жаңаша түрленту міндеті тұрғанын бүгінгі қаралы күн нақ көз жеткізе түсті.
Дін мен ділдің қазағуар болмысына терең бойлаған, көшпенді жұрттың бейнесін шынайылықпен сомдаған «Абай жолы» бастаған ұлттық жауһарларды теледидар мен радио арқылы жаппай оқытудың ұлттық күнін белгілеу шарт.
Біз қазақ болып оянып, қазақ болып тіршілік кешуіміз керек қой.
«ҚАЗАҚ ӘДЕБИЕТІ».
"Қазақ әдебиеті" — Қазақстан Республикасының әдебиет, мәдениет және өнер газеті. Әр апта сайын, жұма күні шығады.
Газет 1934 жылдың 10 қаңтарынан бастап шыға бастады. «Қазақ әдебиеті» газеті — Қазақстан жазушылар одағының органы ретінде тұңғыш саны 1934 жылдың қаңтарында жарық көрген.
«Қазақ әдебиеті» - газетінің тарихы
Студия «Team28»