МӘКИЗА ДАЙЫРБАЙҚЫЗЫ РАЙЫМҚҰЛОВА-ШАШКИНА
03.06.2016
1564
0

DSC_5756Мәкиза Дайырбайқызы 2016 жылы 1 маусым күні  92 жасында дүниеден оз­ды.

Ол 1924 жылы Павлодар облысының Бая­науыл ауылында дүниеге келді. 16 жа­сынан бастап тылда майданға кө­мек көр­сету жұмыстарына қатысты. Жұбайы драматург, белгілі жазушы – Рахматулла Райымқұлов. Мәкиза апай Мәдениет ми­нистрлігінде жоғары лауазымдарды ие­ленді, 1972-1992 жылдар аралығында Қа­зақ совет энциклопедиясы бас ре­дак­торының орынбасары қызметін атқарды. Оның тікелей қатысуымен энцикло­пе­дияның он жеті томы басылып шы­ға­рыл­ды. 1978 жылы Мәкиза Дайырбайқызы Қаз­ССР Жоғары Кеңесі Президиумының ал­ғыс хатымен марапатталды. Көптеген үкі­меттік наградалары бар. Еңбек ты­лы­ның қызметкері және республикалық дә­режедегі дербес зейнеткер.

Талантты журналист, ағайын-туыс­та­рының қайғысы мен қуанышын шын жү­регімен бөлісе білетін ардақты ана, тү­сінігі мол әже. Өзінің ағасы Зейін Шаш­киннің шығармашылығын ерекше құр­меттеп, оны әрі қарай дамытып, дә­ріп­теу жолында көп еңбек етті.

Мәкиза Дайырбайқызы Райым­құлова-Шашкинаның өмірі қиындығы мен қызығы мол ХХ ғасырға тұспа-тұс кел­ді. Алайда, оған қарамастан ол әр­қа­шан еңбекқор әрі жаны жайсаң, жарқын бо­лашағына деген сенімі мол ана болатын. Керемет дауыстың иесі, әнді жақсы айтатын ол көптеген халық әндерін және қазақ композиторлары операларының во­калдық партияларын жатқа білетін. Бай тарихымыз бен халық әндерінің біл­гірі Мәкиза Дайырбайқызы әрқашан жас таланттарды қолдап, олардың өнерін шың­дап, сондай-ақ, еліміздің жетістік­те­ріне қуанып жүретін. Өмірінің соңына дейін қаламгер қауыммен қоян-қолтық ара­ласып, өзінің аналық ақылын айтудан танған емес.

Әрқашан есіміздесіз, мейірбан Ана!

Бір топ қаламгерлер.

 

ПІКІР ҚОСУ

Ваш адрес email не будет опубликован.

Пікір