2016 жылдың 6 мамырында Қазақстан Республикасының Президенті Н.Назарбаевтың №250, №252, №254 Жарлығына сәйкес Мұхтар Құл-Мұхаммед – «Нұр Отан» партиясы төрағасының бірінші орынбасары, Қуандық Бишімбаев Қазақстан Республикасының Ұлттық экономика министрі, Асқар Мырзахметов Қазақстан Республикасының Ауыл шаруашылығы министрі, ал Дәурен Абаев Қазақстан Республикасының Ақпарат және коммуникациялар министрі болып тағайындалды.

Күн күркіреп, Көк жүзінде жарқ-жұрқ еткен жа­сын қылышын ойнатса: «Піссімілләсін!» – аузынан тастамайтын, өзін қуанышты хабармен сүйіншілеген адамын құдайықонақ қылатын атам ­­қазақ өте ырымшыл келеді. Нені болса да жақ­сылыққа жоритын қазақы оптимизм оң өзге­ріс­ке жол ашатынын, жаңа күн жаңа айға, жаңа ай жаңа жылға, ал жаңа жыл жаңа ғасырға, ал жа­ңа ғасырыңыз мәңгілік пен шексіздікке ұласатын ұлы Бастау барын іштей сезінгендіктен шығар.Әсі­лі, барлық құбылыстан тек жақсылықты көріп, атар таңға үмітпен қарайтын қанға сіңгенмінезіміз – артықшылығымыз.Мемлекет басшысының таңдауы қызметте жылы лепес естіген, ысылған, би­ліктің тезінен өткен Бишімбаев, Құл-Мұхаммед, Мырзахметов, Абаевтарға түскені бір жағынан заңдылық, бір жағынан қажеттілік деп бағалаған жөн шығар. Шахматтағы атақты қадамдардың бірі – рокировка да өмірде де, өнерде де, саясатта да са­рабдал жолға баланады. Кез келген Алыстағы ауыс-түйісті ауылдағы ағайын бей-жай қабылда­мас үшін халық сенімін ақтауға тырыссақ қой деген ой ғой, біздікі. Ал Халық – Құдайдың бір аты! Жылы-жұмсақ орынды аңсамайтын адам жоқ шығар, шіркін… Алайда, ар мен ұятты серік қы­лып, батылдық пен батырлықты дос етсек. Тілек – осы!

Өзгеріс оң болғай!