ЖЕР КОДЕКСІНЕ ҚАТЫСТЫ ТАЛҚЫ ӨТТІ
13.05.2016
752
0

e2ae3f70498235104e3337dc5095efdeХалықты толқытқан жер туралы алаңкөңілге Елбасы Н.Ә.Назарбаевтың өзі нүкте қойды. Жер Кодексінің даулы тұстарына мораторий жариялап, «Халыққа ұнамайтын Заңның бізге керегі жоқ!», – деп, Жер реформасын қайта қарайтын Мемлекеттік Комиссия құруға пәрмен берді. Әрине, бұл Жер кодексінің елді алаңдатқан төрт бабын толықтай қолданыстан алып тастады деген сөз емес. Бір жыл уақыт ішінде әлгі төрт баптың ағы мен қарасын ажыратып, халық бәрібір дегенінен қайтпаса, 2003 жылы қабылданған Жер кодексіне 2015 жылы енгізген түзетулер мен өзгертулерді қабылдамайтын болады. Ендігі мақсат – Жер реформасын қайта қарайтын Мемлекеттік комиссияның өз жұмысын адал атқарғанын бақылау, жерге қатысты заңға құлақ түрген елдің өкпесі мен назын, талабы мен тілегін билік өкілдеріне жеткізу.

Қазақстан Жазушылар одағының секретариаты осы мәселелерге бай­ланыс­ты арнайы жиын өткізіп, онда ақын-жазушылар Жер кодексінің даулы баптарына қатысты ойларын ортаға салды. Алдағы уақытта Жазушылар одағы бас­қар­масы атынан үндеу жариялап, Жер кодексіне қатысты нақты ұстанымы мен көзқарасы қандай болуы керегі жайында келелі әңгіме өткізді.
Секретариат отырысына ҚР Жазу­шы­лар одағы басқарма төрағасы Н.­М.Ора­залин, төраға орынбасарлары – Ғ.Жайлыбай, Ж.Әшімжан, басқарма мүшелері – Б.Шаханов, С.Елубай, С.Балғабаев, И.Оразбаев, Ұ.Есдәулет, С.Қалиұлы, К.Құ­ныпияұлы қатысты.
ҚР Парламенті Сенатының депутаты, Қазақстан Жазушылар одағы бас­қар­ма төрағасы Нұрлан Мырқасымұлы жер тағдырына қатысты мәселе ел ал­дын­да шешілуі дұрыстығын, осындай сын сағатта қалам иелерінің де өз аза­мат­тық ұстанымын білдіруі парыз еке­нін айтты: «Жер туралы заңның ел ара­сында дау туғызған төрт бабына Ел­ба­сы мораторий жариялағанын біле­сіз­дер. Бір жыл уақыт аралығында біз ол заңның аталған төрт бабының дұрыс әл­де, бұрысын айтып, нақты мысалдармен талдап беруіміз керек. Жалпы, рес­ми ақпаратта ауылшаруашылығында иге­рілуі тиіс жер көлемі – 1 млн. 800 мың гектар екен. Соның 1 млн. 300 мың гектары қазірдің өзінде жекенің қолына өт­кен. Бұл жолы 1 млн. 700 мың гектар жері­мізді сатылымға шығарайық деп отыр. Жайылым, суармалы жер, ұлттық қорымызға кіретін жерді ешкім сатып ала алмайды.Біз бір мәселенің басын аш­ып алуымыз керек. Сол мақсатта секретариат отырысын жасап, әрқай­сыңыз­дың ойларыңызды білгіміз келеді. Ел арасында дау тудырып отырған мә­селеден жазушылар қауымы жырақ қал­мауы тиіс. Себебі, елдің қабырғасына батқан жайт бізден де жырақ емес. Аза­мат­тық ұстанымымызды көрсетіп, жер тағ­дыры – ел тағдыры екенін айта білуі­міз керек. Жазушылар одағының басқар­масы, басқарма жұмысын жүргізіп отыр­ған секретариат бар. Сол секретариат өз пікірін білдіріп, оны күллі жазу­шы­ның атынан арнайы үндеу етіп жарияласақ  дейміз. Бізге еліміздің ірге­сі­­нің берік болғаны, тыныш болғаны маңызды.
Президент  өз сөзін айтты. Ендігі ке­зек – халықта. Біз – халықтың бір өкілі­міз. Билік пен халық арасындағы дәне­кер­міз. Мәселені ушықтырмай, сөзімізді са­бырмен, парасатпен, барын – бар, жо­ғын – жоқ деп жеткізсек», – деген ұсы­ныс­тан соң сөз алған секретариат мү­ше­лері жер кодексіне қатысты өз ойларын ортаға салып, Жер кодексіне қатысты халық арасында дау туғызған бап­та­ры­ның мән-жайын кең көлемде талқыға салды.
Отырысты қорытындылаған бас­қар­ма төрағасы Нұрлан Оразалин секретариат мүшелерінің ұсыныс-пікірлерін ескере келіп, Қазақстан Жазушылар ода­ғы атынан ортақ үндеу жариялау керек екенін ерекше атап өтті.

ПІКІР ҚОСУ