7 мамыр күні ҚР Қарулы күштерінің құрылған күніне орай Республика сарайында «7 НОТА» атты думанды ән-жыр кеші өтті.

Кешке  халық  әртісі Нұрғали Нүсіп­жа­нов бастаған белгілі эстрада әншілері қатысып, ҚР Мемлекеттік сыйлығының лауреаты Ұлықбек Есдәулет, «Дарын» ме­м­лекеттік жастар сыйлығының ие­герлері Бекжан Әшірбаев пен Жанар­бек Әшімжан, ақын, танымал ән мә­тін­­дерінің авторы Олжас Отар өлең оқы­ды. Сондай-ақ, «Бей­біт­шілік әлемі» Халықаралық қазақ твор­честволық бірлестігі (президенті,  Қазақстан Жазушылар  одағының мүшесі,  БҰҰ-ның Қазақстан Республикасындағы  «Адам құқығын қорғау халықаралық ко­­­митеті»  Ассоциациясы өкілдігінің  пре­зи­денті  Әбен Нұғманов) марапаттау ко­миссиясының төрайымы Гуля Иманова бір­қатар азаматтарға төсбелгілер табыс етті. Халықаралық «Ататүрік» төс бел­гісі­мен ҚР Мемлекеттік сыйлығының иегері, ақын Ұлықбек Есдәулет, «Мәдениет майталманы» төсбелгісімен ақын Олжас Отар, әнші-композитор Сәкен Қалым жә­не Өктем Алтаев, «Өнер жұлдызы» төс­белгісімен Заттыбек Көпбосынұлы,   «Ел ардақтысы» төсбелгісімен Алматы ши­пажайы акционерлік қоғамының президенті, қазақ өнерінің жанашыры Талғат Тұңғышбаев пен «Мұқағали» ком­паниясының президенті,  әдебиет пен өнер жанашыры, кәсіпкер Талғат Сәметов сынды азаматтар марапатталды. Шы­ғармашылық үштік одақ – ақын, ком­позитор және әншіні насихаттауды мақсат ет­кен жоба авторлары ақын-композитор Бекжан Әшірбаев пен әнші-композитор Төлжанбек Жақсыбаев.