Жуырда танымал әдебиеттанушы, ғалым Қансейіт Әбдезұлының «Ақиқаттың алдаспаны» сын мақалалар және әдеби портреттер жинағы жарық көрді.
Кітапта бірқатар ғұлама қаламгерлердің туындыларына ғылыми тұрғыда шолу жасалған. Сонымен бірге әдебиетіміздің бүгінгі тыныс-тіршілігі, тақырыптық-идеялық ізденістері де нақты түрде зерделенген. Автордың өзіндік жазу стилі мен қолтаңбасы қазақ әдебиетіне өлшеусіз үлес қосқан сыншы-жазушылардың шығармаларын талдау барысында айқын аңғарылады. Кітап жоғары оқу орындарының студенттеріне, қалың оқырманға арналған. Ғылыми, әдеби тұрғыдан алғанда да жинақтың көзі ашық, көкірегі ояу азаматтарға берері мол.