Халқымыздың салт-дәстүрінің білгірі, еліміздегі мұражай ісінің дамуында өзіндік қолтаңбасын қалдырған мемлекет және қоғам қайраткері, ғалым-этнограф Өзбекәлі Жәнібековтің туғанына биыл 85 жыл. Осыған орай 19 қаңтар күні «Әзірет Сұлтан» мемлекеттік тарихи-мәдени қорық-мұражайында  «Өмірі өнегелі Өзбекәлі» көрмесінің тұсаукесері өтті.

Көрмені мұражайдың  директоры  Ж.Әубәкір ашып, Ө.Жәнібековтің елі­міз­дің мәдени-рухани дамуына қосқан үлесіне тоқталды. Түркістан қаласы­ның «Құрметті азаматы» Е.Бимаған­бет­ұлы  ғалым-этнограф  жайлы толға­ныс­­­тарын білдірсе, Түркістан эт­­нопе­дагогикалық колледжінің директоры А.Серім Ө.Жәнібековтің қал­дыр­ған мұралары, ел алдында сіңірген еңбектері жас жеткіншектерге  үлгі-өнеге екенін айтты.