Қазақ өнері тағы да қара жамылды. Қа­зақ­­стан­ның халық артисі, асқақ дауысты ән­ші, қазақ ака­демиялық вокалдық пе­да­гогикасының тұңғыш профессоры, ұлы ұстаз, Ұлы Отан соғысының сар­базы – Бекен Жылысбаев 92 жасында өмірден озды. Бекен аға осы 92 жастағы өмірінің жарты ғасырын Құрманғазы атындағы мемлекеттік консерваторияда қазақ өнеріне жас әншілерді тәрбиелеуге арнапты. Осы кезеңде өз классынан екі КСРО халық артисін, 10-нан артық ҚР халық артисін, 30-дан аса ҚР еңбек сіңір­ген артистері мен қайраткерлерін, көптеген ха­­лықаралық, республикалық конкурс­та­рының лауреаттарын тәрбиелеп ұшырды. 45 жыл әншілер кафедрасын басқарып, жүз­деген жас әншілердің өнер жолын­дағы ақыл­шысы, қамқоршысы болды. Оның ал­дыңғы буын шәкірттері – КСРО халық артисі Т.Сей­та­лиев, ҚР халық артистері М.Мұсабаев, Н.Қа­ражігітов, Б.Бейсенов, К.Бақтаев, З.Қойшы­баева, т.б. болса, ортаңғы буындары Ғ.Есі­мов, Н.Үсен­баева, Ш.Әбілов, Ж.Бақтай, Ұ.Кен­жебеков, М.Шалабаев, Е.Әбілдаев, Д.Хайруллин, А.Бейсембеков, Р.Смаилова, Р.Жұ­маділова, т.б. әншілер. Ал оның ең соғы шә­кірттерінің бірі, қазір әлем са­хнасында өнер көрсетіп жүрген талантты жас әнші Медет Шотабаев. Ұстазымыз біздің екінші әкеміздей болды. Оқуды бітірген соң түлек­терінің жұмысқа орналасуына, пәтер алуына, атақ алуына, жанұя құруына тікелей ақыл­шы болып, кө­мегін көрсететін. Ұста­зымыз өмір­ден өткенімен, оның қазақ өнеріне сіңір­ген еңбегі, Отан қор­ғаудағы ерлігі ел есінде мәңгі сақталып, келер ұрпаққа үлгі болары сөзсіз.

Аймұханбет Бейсембеков,
ҚР мәдениет қайраткері,
Семейдің Шәкәрім атындағы мемлекеттік
университетінің профессоры.

Дүйсен Қасейінов,
Халықаралық ТҮРКСОЙ ұйымының
Бас хатшысы.