«Қазақ әдебиетінің» «Күй тыңдайық» жобасын белгілі күйші Темірбек Қайдаровтан қабылдаған Жайлау Асылханов Мәңкенің «Қоңырын» орындады. Күй сәлемді ары қарай Өнер университетінің ұстазы, профессор Тұрар Әліпбаев жалғастырады.

Жайлаубай Асылханов 1964 жылы  Ақтөбе облысы Байғанин ауданы Оймауыт совхозында дүниеге келген.  Ақтөбе музыка училищесін, Құрманғазы атындағы Алматы Мемлекеттік консерваторияны бітірген. Көптеген байқаулардың жүлдегері. Қазанғап мұрасын жинастырып, зерттеуші. Репертуарында Құрманғазының, Дәулеткерейдің, Қазанғаптың, Динаның, Абылдың, Естайдың, Сүгірдің, Құлшардың, Есірдің, сондай-ақ қазіргі қазақ сазгерлерінің 100-ден астам күйі бар.