Науқаншылықтан жалығу
Науқаншылық қазақтың дәстүрінде де бар. Ата-бабаларымыз көшпенді халық болған соң түрлі тұрмыстық шараларды, елдік басқосуларды мезгілдің ыңғайына қарай, күннің оңына қарай туралап, жылдың белгілі бір мерзімдерінде өткізген.
Берік Әбдіғали,
саясаттанушы
Өмір сүру салтына ыңғайлы болғандықтан жылдың әр мезгіліне байланысты науқандық шаралар қалыпты жағдай ретінде халықтың қанына сіңіп кеткен. Қазір науқаншылдықтың шегіне жеткені жұртқа аян.
Халық ішкі жан дүниесі қаламай тұрса да, науқаншылдықтың нөпіріне еруге мәжбүр. Ел ішінде бұл әдеттен жалығу байқалады. Демек, бұл әдеттің қарапайым халыққа да, мемлекетке еш пайдасы жоқ. Науқаншылдықтың Кеңес заманында қолданылған мемлекеттік идеологияны нығайтудың бір жолы ретіндегі функциясы әлсіреді.