Халық ақыны, композитор Кенен Әзірбаевтың 135 жылдығына орай Кенен атындағы ІХ Республи­калық «Шырқа, даусым!» дәстүрлі әншілер байқауы өтті.

Аталған шараға еліміздің түкпір-түкпірінен және шетелдерден келген 33 өнерпаз қатысты. Кенен әндерін әуелеткен өнер додасының бас жүлдесін Сәуле Жұмабайқызы (Алматы облысы) жеңіп алды. Байқау барысында К.Әзірбаевтың өмірі мен шығармашылығы жайлы «Алатаудың ақиығы» атты деректі фильм көрсетіліп, ақын ұрпақтарымен кездесу өткізілді.