«Бес анық»
28.08.2015
3269
0
121829_949632256_________________1Өткен аптада С.Торайғыров атындағы павлодар облыстық кітапхананың мәжіліс залында көрнекті ғалым, қоғам қайраткері, ұлт жанашыры Мұхтар Арынның «Бес анық» шығармасы бойынша дайындалған моноспектакль көрермен назарына ұсынылды. Басты рөлді танымал жыршы, көркемсөз оқудың шебері Даниал Әсенов сомдады. 

Мұхтар Ғалиұлының дүниеден өткеніне биыл 20 жыл, ал келесі жылы туғанына 80 жыл толмақ. Ол Алматы облысы, Ақсу ауданында дүниеге келген. 1957 жылы Шет тілдері институтын бітірген соң, сол оқу орынында еңбек жолын бастайды. Ол осы білім ордасында ашылған неміс тілі кафедрасының тұңғыш меңгерушісі, кейін Абай атындағы Қа­зақ педагогикалық институтының проректоры қызметтерін абыроймен ат­қарды. 1983 жылдан бастап, өмірінің соңына дейін Ақтөбе педа­гогикалық институтының ректоры болды. Ғалымның әр жылдары «Неміс тілінің грамматикасы. Морфология», «Тары», «Арыннама» және «Бес анық» деп аталатын кітаптары жарық көрген. Автор «Бес анық» тәрбие туралы толғамдарында қазаққа ең қажетті бес құндылыққа ерекше тоқталады. Мысалы, тіл, дін, дәстүр, тарих және атамекен мәселелеріне ба­рынша құрметпен қарап, оларды жан-тәніңмен сүюге шақырады. Ұла­ғатты ұстаз қазақ тілі ғылымының дамуына, қоғамдық орындардағы қол­данысының кеңеюіне мол үлес қосты. Соның арқасында ол Ахмет Бай­тұрсынов пен Өзбекәлі Жәнібектен кейін үшінші болып «Ана тілінің ай­бары» орденімен марапатталған.
Ғалымның еңбектерін моноспектакль ретінде сахналау – ҚР мә­дениет қайраткері, режиссер Ерсайын Тәпеновтың бастамасы.
– Осыдан төрт жыл бұрын Ерсайын Қандержанұлы хабарласып, Мұх­тар Арынның «Бес анық» ой-толғамдар жиынтығын сахналау туралы ұсы­ныс білдірді. Мен бірден келістім. Алғашқы қойылымды өзінің дү­ние­ден өткен жері – Ақтөбе қаласынан бастадық. Кейін Астана қала­сы­ның оқу орындарында сахналадық. Көрермен жақсы қабылдап, ал­ғыс білдіріп жатты. Мақсатымыз – Қазақ тілі ғылымының дамуына, діні­міздің кең қанат жаюына, салт-дәстүріміздің дәріптелуіне мол үлес қос­қан бірегей тұлғаның айтқан өсиетін, ой толғамдарын кейінгі ұр­пақ­қа жеткізу, – дейді Даниал Әсенов.

ПІКІР ҚОСУ

Ваш адрес email не будет опубликован.

Пікір