РОБОТТАР БАЛЫ
13.08.2018
1125
0

7 тамыз бен 26 қыркүйек аралығында Астанадағы EXPO қалашығының «Нұр Әлем» сферасында қала тұрғындары Америка, Еуропа, Оңтүстік Корея және Жапония елдерінен әкелінген роботтардың қабілетін куә бола алады.


Көрмені ұйымдастырушылардың бірі Супхон Зиябаевтың айтуынша мұн­дай роботтар балы алғаш рет 2015 жылы Мәскеу қаласында өткен. Осы жолы Астанадағы EXPO ғимаратына әкелінген 20 робот ғимарат интерье­рімен, тамаша үйлесім тапақан
Оның бірі – Александр Гецойдың «Көше музыканттары». Музыканттардың арасында скрипкашы, барабаншы және қалпақ тігуші бар. Бұл экспонаттың бас­қалардан ерекшелігі – қоқыс қал­дық­тарынан құрастырылған.
Кештің басты қонағы – ұлыбритания­лық робот гуманоид Теспиан. Күліп-жы­лай алатын робот қонақтармен әңгіме-дү­кен құрып қана қоймай, ән салып, Шекспирдің шығармаларын оқи алады. Ұйымдастырушылардың айтуынша, робот театрландырылған қойылымдарға да қатысқан.
Роботтар балына келушілер робот­тан­дырылған АХАЖ арқылы ресми емес фор­мада некелесе алады.
Сондай – ақ «Робополис» көрмесінің ая­сында «Нұр-Әлем» сферасының бірін­ші қабатында үш модульден тұратын вир­туалды шындық зонасы қойылған. «Бі­рінші модуль – Алматы және Астана қа­лаларына арналған тур, мұнда VR-кө­зілдірік киіп Астананың 16, ал Алма­ты­ның 13 басты қонақжай аймағын көруге бо­ла­ды. Екінші модуль ол game-room, яғ­ни ойын бөлмесі. Мұнда әрбір адамға вир­туалды шындық әлеміне экскурсия өт­кізуге арналған интерактивті гид бар. Үшін­ші модуль – этноауыл. Мұнда өт­кен­ге оралып, қазақтардың этноауылын көре аласыз. Киіз үйге аяқ басқаннан кейін ата-бабамыздың қалай өмір сүр­генін аңғаруға болады. Сондай-ақ, онлайн режимде жебе, садақ қолдануға болады.

Аяулы ҚУАНЫШ

ПІКІР ҚОСУ

Ваш адрес email не будет опубликован.

Пікір