КӨКЕК АЙЫ – ГҮЛСТАН…
27.04.2018
1717
0
Қазақ поэзиясына соны құбылыс болып келген Тыныштықбек Әбдікәкімұлы биыл 65 жаста. Осыған орай, Қазақстан Жазушылар одағының ұйымдастыруымен Алматы қаласындағы «Алатау» дәстүрлі өнер театрында ақынның «Көкек айы – Гүлстан…» атты шығармашылық кеші өтті.
Кешті Тыныштықбек Әбдікә­кім­ұлы тудырған жырлардың бол­мыс-бітімін, бояуларын, стильдік, фи­лософиялық астарын сақтай оты­рып, театрландырылған жаңаша фор­матта өткізу жұмыстарымен театр режиссеры Жұлдызбек Жұ­ман­бай айналысты. Жұлдызбек Жұ­манбайдың режиссерлығымен әл-Фараби атындағы ҚазҰУ-дың Фи­лология және әлем тілдері фа­куль­тетінің студенттері ақынның өлең­деріне қалалық пейзаждағы ком­позиялар қойды.
Кештің шымылдығы Секен Тұ­рысбектің «Ақ жауын» камералық ор­кестрінің «Ұлы дала» күйімен ашыл­ды. Қазақстан Жазушылар ода­ғы басқарма Төрағасының орын­басары Мереке Құлкенов сах­на төріне шығып құттықтауын жет­кізгеннен соң, камералық оркес­тр­дің сүйемелдеуімен Тыныштықбек Әбдікәкімұлының «Алдияр оқыр­маным менің» өлеңін оқыды.
Мереке Құлкеновтен кейін ор­таға шыққан дәстүрлі әнші Еркін Шү­кіман «Сағынбасқа не шара» әнін орындап, көрерменнің ыстық ықы­ласына бөленді. Сахна қараң­ғыланып, қайтадан жарық енгенде ақ мата жабылған бес орындықта Те­мірхан Медетбек, Исраил Са­пар­бай, Жәркен Бөдеш, Әбубәкір Қай­ран, Қасымхан Бегман сынды бес ақын отыр еді. Бес ақын Ты­ныш­­тықбек Әбдікәкімұлының өлең­дерін кезек-кезек оқыды.
Жалпы, шығармашылық кеште ав­тордың жырларын есімі елге бел­гілі 22 ақын оқыды. Бауыржан Жа­қып, Темірғали Көпбай сынды көпке танымал ақындардан бастап, әдебиетте өз үнін танытып келе жатқан жас ақын­дар құрайды бұл тізімді. Бұл кеш­тің ерекшелігі де сонда, ақын­ның жырын ақын оқуында.
Сонымен қатар, Гүлия Сағи­дол­дақызы, Қадырғали Көбентай мен Ершат Қайырхан сынды белгілі әншілер автордың өлеңдеріне жа­зылған әндерін орындады.
Әрбір ақын өлең оқуға шық­қан­да алып глобус, жазу үстелі мен қа­ламсап, портреттік рамка, керме есік, аспалы түскиіз бен аспалы те­ре­зе секілді реквизиттер сахнаға поэ­тикалық бояу сыйлап тұрды.
Кешті ақын Бақыт Беделхан жүр­гізді. Кештің соңына таяу зал то­лы жыр сүйер қауымның алқа­лауы­мен Тыныштықбек Әбдікәкім­ұлы сахна төріне шығып сөз сөй­ле­ді, өлеңдерін оқыды.
ПІКІР ҚОСУ

Ваш адрес email не будет опубликован.

Пікір