Атырау облысында тұңғыш рет ұйымдастырылған, жас тілшілер фестивалі «Өрімтал» деп аталды. «Атырау-Ақпарат» медиа­холдингі ұйымдастырған, айтулы шара өңірдегі барлық аудандар мен қаладағы журналист болуды армандаған, жас жеткіншектердің басын қосты.

Мектеп оқушылары арасында «Ға­жайып өлке» атты Атырау облыстық шы­ғармалар байқауы өткізіліп, 314 талапкер өз бақтарын сы­наған еді. Болашақта тілші атанғысы ке­летін, осы талапкерлердің арасынан ау­дандар бойынша 28, қала көлемінде 12, барлығы 40 жеңімпаз анықталып, олар мұнайлы өңірде тұңғыш рет өт­кізіліп отырған «Өрімтал» жас тілшілер фес­тиваліне жолдама алды. Үш күнге созылған шараның ал­­ғашқы күні медиахолдингтің бас­па­сөз орталығында фестивальдің сал­та­натты түрде тұсауы кесіліп, оған қа­тысу­шылар облыстық «Атырау» және «Прикаспийская коммуна» газеттерінің бас редактор­лары Исатай Балма­ғам­бетов және Нәсіп Шалабаева бастаған жур­на­лис­термен кездесіп, кө­кей­лерін­де жүрген көптеген сауалдарға жауап алды. Содан соң Батыс өңіріндегі ең ірі медиа­холдинг саналатын «Атырау-Ақ­парат» серіктестігінің тыныс-тір­ші­лігімен танысты, Медиа мектептің қыз­метіне куә болды. «Атырау» те­леар­насында қонақта болып, жас тілшілер топ-топқа бөлініп, өздері де түрлі бағ­дар­ламалар дайындау жұмысына атса­лысты. Жас қаламгерлер Х.Досмұха­ме­дов атындағы атындағы Атырау мем­лекеттік университетінің ректоры, про­фессор Абзал Ахатұлының қа­былдауында болып, «Журналистика» ка­федрасы туралы жан-жақты мағ­лұмат алып, тарих ғылымының кан­дидаты Қылышбай Сүндетұлының дәрісін тыңдады.
Болашақ жас тілшілер бос уа­қыт­тарында Поэзия патшайымы Фариза Оң­ғарсынованың, Қазақстан Респуб­ли­касы Гимні авторларының бірі, қа­зақ­тың ұлы ақыны Жұмекен Нәжіме­де­новтің ескерткішіне гүл шоқтарын қой­ды.
Қазақстанның еңбек сіңірген қай­раткері, халықаралық «Алаш» сый­лы­ғының лауреаты, фестивальдің құрмет­ті қонағы Ақұштап Бақтыгереева «Қа­зақ әдебиеті» газетінің Мұқағали Ма­қатаев атындағы арнайы жүлдесін Ма­қат ауданындағы С.Шарипов атын­дағы мектеп-интернатының 8-сынып оқушысы Айкөркем Жәнібекқызына, Оралхан Бөкей атындағы жүлдені Аты­рау қаласындағы №35 мектеп-гим­на­зиясының 11-сынып оқушысы Арай­лым Махмутоваға, Тәкен Әлімқұлов атындағы жүлдені Исатай ауданындағы Ю.Гагарин атындағы орта мектептің 9-сынып оқушысы Ақерке Қалекеске, Сағат Әшімбаев атындағы жүлдені
Н.Тілендиев атындағы Атырау облыстық «Кіші өнер академиясының» 10-сынып оқушысы Жанерке Жан­болатоваға, Сәкен Жүнісов атындағы арнайы жүл­дені Махамбет ауданындағы Шонаев атындағы орта мектептің 9-сынып оқу­шысы Ақмарал Есен­жановаға және Сәтімжан Санбаев атындағы жүлдені Индер ауданындағы «Көктем» қазақ орта мектебінің 8-сынып оқушысы Гүл­наз Өмірзақоваға табыс етті. Бар­лық жеңімпаздарға мектеп сөмкелері мен кітаптар сыйға берілді.

Нұрсұлтан МЫҚТЫБАЙ,
журналист.
Суретті түсірген
Әнуар ӘБІЛҒАЗИЕВ.
АТЫРАУ.