НАЗАРБАЕВ ДАҢҒЫЛЫ
01.12.2017
816
0

Алматы қаласы мәслихатының VI шақырылымындағы сессиясы барысында, мегаполис тұрғындарының көптеген ұсынысы бойынша, қалалық ономастикалық комиссия мен ҚР Үкіметі жанындағы Республикалық ономас­тикалық комиссиямен келісімімен, Алматыдағы басты көшелердің біріне Қазақстан Республикасы Президенті – Нұрсұлтан Әбішұлы Назарбаев есімін беру туралы шешім шықты. Отырыс барысында, Алматы әкімі ономастикалық комиссияға қайталанатын 112 көшенің атауларын өзгерту туралы зиялы қауым өкілдерінен, ҮЕҰ-дан, қала тұрғындары мен әсіресе жастардан мегаполистің басты көшелерінің бірі Фурманов көшесіне Н.Назарбаев есімін беру жөнінде көптеген ұсыныс түскенін тілге тиек етті.

«Та­­рихтың өзі ас­тананы көшіру туралы Елбасы шешімінің ба­рын­­ша көрегенді әрі дұрыс еке­нін дәлелдеді. Соның арқасында Еуразия орталығында жаңа зама­науи қала пайда болып, еліміз­дің іскерлік орталығы ретінде Алматы жаңа серпінмен дами бастады. Тарихи маңызы зор ше­шім мен Президенттің экономи­ка­­лық реформалары өзара ұш­тасып, жеке бастамаларды ын­таландыр­ды, кәсіпкерлік рухты дамытты. Бүгінгі күні «Алматы – өңірлік тар­­тылыс күші, Ор­талық Азияның ірі мега­по­ли­сі», – деді қала әкімі Бау­ыр­ж­ан Байбек.
Бауыржан Байбек: «Сондықтан Ал­ма­­тыда мұндай ше­шімнің қабыл­дан­уы өте орынды», – дей келе, Елбасының тұрақты қолдауы арқасында жүргізілген жүйелі реформалар барысында қала эко­но­ми­ка­сының 100 есе өскенін, ша­ғын және орта бизнес қатары­ның 130 есе көбейгенін атап өтті.
Осылайша, Алматы қаласы мәслихаты депу­таттарының бі­рауыз­дан қабылданған шеші­мі­мен Фур­манов көшесі ҚР Тұңғыш Президенті – Елбасы Нұрсұлтан Әбішұлы Назарбаев атындағы даңғыл деп аталды.

 

ПІКІР ҚОСУ

Ваш адрес email не будет опубликован.

Пікір