Жамбыл атындағы қалалық жасөспірімдер кітапханасының ұйытқы болуымен Еламан Хасенұлы, Ахмед Ахмади, Жоламан Әйткен, Әбілхан Марат сынды баянауылдық жас ақындар кітапхана оқырмандарымен және жыр сүйер қауыммен кездесіп, «Баян-жыр» жинағының тұсаукесер рәсімін жасады.
Жас ақындардың топтама жыр жинағының тұсауын кесіп, болашақтарына шығармашылық табыс тілеген белгілі ақындар – Аманхан Әлім, Кәдірбек Құныпияұлы, Байбота Қошым-Ноғайлар өлең сөздің қадірі мен құрметі жайлы кеңінен толғаса, осы кездесуге Талдықорғаннан арнайы келген ақын Ерлан Жүніс: «Баянауылдан ескен самал Алматы аспанынан сәуле болып құйылды», – дей келе, жас ақындардың болашағының шуақты болуын тіледі. Басқосудың тізгінін ұстаған Бауыржан Әлқожа мұндай жиындардың қазақ оқырманы мен жас қаламгерлер үшін айрықша маңызына тоқталып, кітапхана ұжымына алғысын айтты. Кітапханадағы бұл кеш Ғазиза Құдайбергеннің ұйымдастыруымен, өңірлердегі қаламгерлердің шығармаларын насихаттау мақсатында «Атырау – Алтай арасы» атты жоба аясында өтті.
"Қазақ әдебиеті" — Қазақстан Республикасының әдебиет, мәдениет және өнер газеті. Әр апта сайын, жұма күні шығады.
Газет 1934 жылдың 10 қаңтарынан бастап шыға бастады. «Қазақ әдебиеті» газеті — Қазақстан жазушылар одағының органы ретінде тұңғыш саны 1934 жылдың қаңтарында жарық көрген.
«Қазақ әдебиеті» - газетінің тарихы
Студия «Team28»