Қайсар ӘЛІМ.
Міржақыптың оралуы:
хикаят-сапарнама.
Алматы: «Мектеп», 2017.

Алаш қозғалысының 100 жыл­дығы аталып өтіп жатқан биылғы жылы Қазақстанның еңбек сіңір­ген қайраткері, Президент сый­лы­ғының лауреаты, Қазақстан Жур­на­­листика академиясының ака­­­де­мигі, қаламгер Қайсар Әлім­нің бұл кітабының қос тілде жа­рық көруі осынау оқиғалы ке­зеңге тартылған лайықты сыйы. 1992 жылдың 1-18 қыр­күйегі аралы­ғында бұрынғы Торғай облысынан жасақталған арнаулы экспедиция Міржақып Дулатұлы­ның мүрдесін 57 жылдан соң Ка­рель АКСР-інің Сосновец стан­са­сындағы қабірден алып, туған то­пырағына – Жан­келдин ау­да­ны­ның өз атындағы қауымдастық ор­талығына қайта жерлеудің басы-қасында болған еді. Сол кездегі мен­шікті тілші Қ.Әлім осы айы­рық­ша жауапты сапарға респуб­ли­калық «Егемен Қазақстан» га­зе­тінің тапсыр­масымен қатысқан бо­латын. Автор тәуелсіз мемлеке­ті­міздің тари­хын­дағы осынау ала­бө­тен оқиғадан көзбен көрген­де­рін, алған әсерлерін М.Дулатұ­лы­ның өмірі­мен тығыз сабақтастыра отырып баян­дайды.