Өнер ордасында
22.09.2017
728
0

Жуырда Темірбек Жүргенов атындағы Өнер академиясында Қазақстан Республикасының еңбек Ері, КСРО және ҚР Халық әртісі, ҚР Мемлекеттік сыйлығының иегері, профессор Асанәлі Әшімовтің 80 жылдық мерейтойына арналған ғылыми-практикалық конференция мен шығармашылық кездесу өтті.

Кездесу барысында Жазу­шы­лар одағының төрағасы Нұр­лан Оразалин, белгілі дра­матург Дулат Исабеков, жазушы Сма­ғұл Елубаев, Қазақстан Рес­публикасының еңбек сіңір­ген өнер қайраткері Есмұхан Обаев сынды көрнекті қоғам және мемлекет қайраткерлері сөз сөйлеп, жылы лебіздерін біл­дірді. Сондай-ақ, жиында та­нымал тұлғаның өмірі мен шығармашылығы жайлы мәнді естеліктер айтылды.
Сонымен қоса, белгілі жур­налист Қали Сәрсенбай та­ны­мал тұлғаның шығар­ма­шылығы, суреткерлік болмыс-бітімі, қара­пайым адами қалпы туралы әр жылдардағы ой-толғамдар, эсселер, сұхбаттардан құралған «Абыз-аңыз» атты еңбегін жи­налған қауымға тарту етті.
Аталмыш оқу ордасында А.Әшімовтің оқу-шы­ғар­ма­шылық лабораториясының тұсауы кесіліп, шара соңында ме­рей­той иесінің жетекшілігі­мен «Актер өнері» мамандығы сту­денттерінің дипломдық қойылымы «Король Лев» атты спек­такль кеш қонақтарының назарына ұсынылды.

ПІКІР ҚОСУ