«Алтын жүрек» сыйлығына үміт­керлерді тіркеу басталды. Қайырымды жандарды анықтауға бағытталған шара осымен 11-ші рет ұйымдастырылғалы жатыр. Өтінішті қабылдау қыркүйектің 30-ына дейін жалғасады. Үміткерлердің қайырымдылықпен айналысқанын дәлелдейтін есеп құжаттары, фото және видео сияқты нақты мәліметтері болуы керек. «Алтын жүрек» сыйлығы 11 номинация бойынша табысталады. Жеңімпаздар 27-ші қазанда анықталады.

– Қайырымдылықпен айналысатын адамдардың қатары көбейіп келе жат­қаны қуантады. Алғаш «Алтын жүрек» жобасы дү­ниеге келген жылдары елу шақты ға­на өтініш қабыл­дайтынбыз. 2016 жылы 181 өтініш келіп түс­ті. Биылғы жылы да ол көрсеткіш жо­ғары дең­гейде болады деген сенімдеміз. Атымтай Жомарт­тардың ішін­де елге танымал тұлғалар да жетерлік. Мә­селен, спорт­­тың аңызға айналған тұл­ғасы Жақ­сы­лық Үш­кемпіров Мыңбаев ауы­лында­ғы жа­тақхана мен бала­бақша құры­лы­сы­ның инвесторы болды. Осының ар­қасында 38 жас отба­сы қоныс тойын тойлап, 100 ба­ла бала­бақ­ша табалды­ры­ғын аттады. Жаңа білім нысанында қа­жет­ті ка­бинет­тер­­дің барлығы бар. Сонд­ай-ақ, Жақ­сы­лық Үшкемпіров жер­гілікті ба­лаларға ар­нап спорт мек­тебін ашты. Қазір мұн­да 300 бала сам­бо, дзюдо, бокспен ай­на­лысып жа­тыр, – дейді «Алтын Жүрек» сый­лы­ғы­ның бас үй­лес­тірушісі Гүлзат Сахова.
Елімізде соңғы 2 жылда 15,8 миллиард тең­геге қайырымдылық көмек көрс­еті­­ліп­ті. Атымтай Жомарттардың мұ­рын­­дық болуымен елде 75 мектеп, 58 ба­лабақша, 49 аурухана ашылып, 3 мыңнан аса науқас ба­ланың өмірі өлім­нен арашаланған.
– Сыйлықты берерде ең алдымен, қара­пайым, алыста тұратын адамдарға на­зар аудармақпыз. Себебі, қалада тұра­тын адам мен ауылда тұратын адам­­ның мүмкіндіктері екі талай. Бі­рақ дегенмен адам­гершілік пен қайы­рым­дылыққа шек­теу жоқ, – дейді Сат­тар Мәжитов.