«Барыс» ордені – ардагер ғалымда
02.06.2017
742
0

Елбасы Нұрсұлтан Назарбаев мемлекет және қоғам қайраткері, көрнекті ғалым Мырзатай Жолдасбековті қабылдап, І дәрежелі «Барыс» орденімен марапаттады.
Мемлекет басшысы кездесуде М.Жолдасбековті 80 жасқа толған мерейтойымен құттықтап, оған зор денсаулық, ұзақ ғұмыр тілеп: «Тәуел­сіздіктің алғашқы күнінен әрдайым Сіз менің жанымда бол­дыңыз. Маған қолдау білдіріп, кеңесшім, Премьер-Министрдің орын­басары болып қызмет атқардыңыз. Мен Сізді жауапты лауазымдарға тағайындадым. Елші, университет ректоры болдыңыз, дипломаттарды тәрбиелеуге атсалыстыңыз. Белгілі ғалым, қаламгер ретінде кең танылдыңыз», – деді.
М.Жолдасбеков өз қызметінің нәтижелерін жоғары бағалағаны үшін Мемлекет басшысына алғыс айтты. «Тәуелсіздігіміздің қалып­тасуындағы барлық процестің куәгері болдым. Жақсылық та, қиын­дық та, таршылық та бастан өтті. Бақытымызға орай, қазір еге­мен­діктің арқасында жақсы өмір сүріп жатырмыз. Ел ішінде реформалар жүр­гізілуде, бәріміз күткен рухани жаңғыру басталды. Мен қашан да Сіз­дің сенімді серігіңіз болып қасыңызда қала беремін», – деді қоғам қай­раткері.

ПІКІР ҚОСУ

Ваш e-mail не будет опубликован.

Пікір