Серік СЕЙІТМАН

ҚАЗАҚҚА ҰҚСАЙДЫ

Қазаққа ұқсайды зау мұзарт,
Асқақ шың бұлтпенен таласқан.
Сол шыңнан биіктеу жалғыз-ақ,
Дүниеге шаңырақ – Көк Аспан.

Қазаққа ұқсайды, расында,
Күлімкөз алтын Күн көктегі.
Жарылқап досын да, қасын да,
Бәріне шуағын сепкені.

Қазаққа ұқсайды, бауырым,
Байқасаң, далиған қара жер.
Артылып үстіне ауырың,
Қойнына өлгеннің бәрі енер.

Қазаққа ұқсайды жақпарда
Жылт еткен таудың бал бұлағы.
Өзендер өзгеріп жатқанда,
Бастауы былғанбай тұр әлі.

Түзетіп тарихи қатаны,
Ғылымға жаңалық ендір сен.
О баста Алла Адам-Атаны,
Қазақ қып жаратқан, мен білсем!

…

(Толық нұсқасын газеттен оқи аласыздар)