АЛМАТЫМ – АРДА ОРДА!
21.10.2016
1556
0

notaӘні мен өлеңі  Әлімжан ДӘУІТҰЛЫНІКІ

Армандай алау Алматым,

Ардан да артық ардағым!

Арайлап атып ақ таңың, 

Есімде алғаш барғаным!

Алатаудың алқасындай,

Жетісудың ақ тасындай!

Астана болдың асқақтап,         

Ақыл-ойдың Патшасындай! 

 

Қайырмасы:

А-а-а-о-о-о-у!

Қасиетті Алматым –

Алла берген есімі!

А-а-а-о-о-о-у!

Жерұйығым –Жәннатым –

Айқара ашық есігі!

Тәуелсіздік бесігі!  2 рет.

 

Болсаң, егер зейінді,

Жыл санауға дейінгі.

Х-ІХ ғасырларда,

Бабалар салған таңба!

Захириддин шах Бабыр,

Заманының Ордасы.

Дулати Мұхаммед Хайдар,

Әуелгі тарих – сөз басы.

Қайырмасы:

Ақылды, қаһарман қала,

Ағылған тау менен дала!

Желтоқсанда даңқы асқан,

Асыл арқау – ой мен сана!

…Он алтыншы желтоқсан,

Сұрапыл дауыл-жел соққан!

Сұр аспан тұрды өлім төгіп,

Алматыма ажал төніп!

Қайырмасы:

Желбіреп жастық Жалауы,

Мұзға жақты алауын!

Қазақтың хас батырлары,

Ұлтының айтты қалауын!

Асқынса да қаншама,

Зұлымдық  пен менмендік,

Күші басым болса да,

Әділдік жеңді – Біз жеңдік!

Қайырмасы:

Барыс батыр – Желтоқсан,

Қасіретім – Қасиетім!

Жендеттерді сең соққан,

Асқақ Рухым – бас иетін!

Жер-жаһанға жар салды,

Демократия жаңғырығы!

Адамзатқа ой салды,

Алланың ақ таңғы нұры!..

Қайырмасы:

Сазгері  қайырған қияннан,

Тыңдаған құлақ қуанған!

Көк туым шалқи желбіреген,

Анамдайсың елжіреген!

Тамсантып қақтырған таңдай,

Миуалы бауларың балдай!

Аспантау, Талғар, Үшқоңыр,

Тәкаппар шыңдарың қандай?!

Қайырмасы:

Ақыл-ойдың тартуындай,

Аспажолдың өр тартуын-ай!

Көлайттап көктің жүзінде,

Құс пен ұшақтың қалқуын-ай!

Жайнаған шақ жұлдызы мың –

Жанарындай ұл-қызының!

Бұлбұл болып сайрасаң да,

Таусасың ба, таң қызығын?!

Қайырмасы:

Қызғалдақтай нарт ашылған –  

Алатаудан нұр шашылған!

Ақ жауындай бір басылған,

Шабытым кетпе қасымнан!

Адуын адам-ағыстар,

Зулайды күн-түн Көктөбеге.

Көз салып қиян-Ғарышқа,

Ғажап өмір,  өкпелеме!

Қайырмасы:

Алматым – Арда ордам,

Селіңменен сескендірме!

Халқыңа бол, мәңгі Қорған,

Асқақ Ұлы көшпен бірге!

Ұлы Дала мақтанышы,

Қазағымның ар-намысы!

Тектінің зор талғамысың,

Арлының пәк арманысың!

Қайырмасы.

 

ПІКІР ҚОСУ

Ваш адрес email не будет опубликован.

Пікір