Шерхан  Мұртаза – мұқым қазаққа, қазақ сөз өнеріне, қазақ баспасөзіне жағымды естілетін аса жарқын есім.  Сексеннің сеңгірінің белортасына жақындаған ардақты қаламгерге  Оңтүстік Қазақстан  облысы, Түлкібас ауданына қарасты Күмісбастау ауылының мектебіне атақты жазушы, қоғам қайраткері Шерхан Мұртазаның есімі берілді.   Қазақ мүддесі үшін басын бәйгеге тіккен Шерағаңның  атына мектептің аты  берілуі –  рухани дүниедегі ерекше оқиға.  Өйткені, ол қазақ прозасына жауһар әңгімелер, үздік повестер сыйлаумен қатар, қазақ баспасөзіне реформа жасаған тұлға.  Шерағаңа құрмет – қазақ  көркемсөзіне құрмет деп есептейміз.