ЛОГИСТИКА – БҮГІНГІ ЗАМАН МАМАНДЫҒЫ

2
1 238 қаралды
indexӘл-Фараби атындағы Қазақ Ұлттық университеті еліміздің ғана емес, дүниежүзіндегі жоғарғы оқу орындары арасында өзіндік орны бар, ғылыми-педагогикалық дәстүрі бар оқу ордасы. Қазақ білімінің қара шаңырағында осы күні заманауи өмірге қажетті мамандықтардың көпшілігі бар. ҚазҰУ-де әр түрлі мамандық бойынша білім алып жатқан студенттер күні ертең сол білімін еліміздің сан саласына қолданады деп сенеміз. 

Университеттің ең ірі факультеттерінің бірі болып саналатын Экономика және бизнес жоғарғы мектебінде (ЭжБЖМ) оқып жүр­ген студенттер де еліміздің экономи­калық тыныс-тіршілігіне жаңаша серпін әкелер ұрпақ болмақ. Еліміздің барлық облыстарынан келіп білім алып жүрген студенттер күні ертең, өздерінің туған өңірлеріне қайта оралып, университетте алған білімін сол өңірдің әлеуетін кеңітуге жұмсары хақ. Экономика және Бизнес жо­ғарғы мектебінде студенттер ғана оқып қой­май, қашықтықтан оқыту әдісі бойынша жо­ғары білім және орта кәсіптік білім не­гізін­де мамандар да даярлайды. Сондай-ақ, студенттердің әскери дайындықтан өтуге де мүмкіндігі бар. Факультет деканы э.ғ.к., доцент Б.Ж.Ермекбаева.
Бакалавриатта білім алған, ғылым са­ла­сына және педагогикалық қызметке бе­йімі бар студенттер магистратураға, (PhD) докторантураға түсуге мүмкіндігі бар.Экономика және бизнес жоғарғы мектебін­де «Менеджмент және маркетинг» кафедрасы әр түрлі салаларда қызмет ететін жоғары білімді мамандарды даярлайды. Бұл кафедра 2011 жылы «Менеджмент және бизнес» пен «Маркетинг» кафедраларын біріктіру негізінде құрылды. Кафедра меңгерушісі э.ғ.д., профессор К.С.Мұхтарова.Бүгінгі күні біз білім алып жатқан логистика мамандығы осы кафедрада оқытылады. Ло­гистика дегеніміз – жүк қозғалысын ұйым­дастыруды жетілдіруге бағытталған экономика саласы. Ал логист дегеніміз – жүк қозғалысын ұйымдастыру барысындағы көлік түрін таң­дау, маршрутын анықтау, шығындарды бас­қару және қойма ісін жүр­гізудегі мәселелерді шешетін маман. Қа­зіргі таңда логистика мамандығы ең сұра­нысқа ие алдыңғы қатардағы мамандық.
М.Д.Шарапиева,
әл-Фараби атындағы Қазақ Ұлттық университетінің
«Экономика және бизнес» жоғарғы мектебінің
«Менедж­мент  және маркетинг» кафедрасының аға оқытушысы.
Қ.Ж.Слам,
Логистика мамандығының 4 курс студенті.

2 Пікір

  1. Сонда логистика мамандығын менеджмент жане маркетинг кафедрасында оқыта ма?
    Мен 11 сынып оқушысымын. Осы мамандықта оқу үшін қандай пәндер таңдауым қажет? Ағылшын тілін таңдауға бола ма? Және бұл мамандыққа грант бөліне ме? Немесе жылына оқу ақысы неше тг? Толығырақ мәлімет берсеңіз екен…

  2. Бұл мамандыққа математика-география пәнін тандайсыз! Грант бөлінеді. Қазақ группасына 162 грант бөлінеді

Пікір қосу

Этот сайт использует Akismet для борьбы со спамом. Узнайте как обрабатываются ваши данные комментариев.