ҚазҰУ қалашығының атасы
Есім сойы үркердей топтың ортасында әлі күнге құрметпен аталса да, жадысы жұқара бастаған көптің көңілінен көшіп бара жатқан бір тұлға бар. Ол – Асқар Закарин. Асқар Закарин – математиканы қазақ тілінде сөйлеткен жанкешті, бүгінгі ҚазҰУ қалашығының атасы. С.М.Киров атындағы Қазақ Мемлекеттік университетінде ректор болып тұрған кезінде Асқар Закариннің ағалық қамқорлығын көрген жас талапкерлердің бірі – Қабдеш Жұмаділов екен. «Бiз Алаштың ақысын өзгеге жегiзбеуiмiз керек, қазақтың құқын қорғауымыз керек. Ұлттың құқын, халықтың ар-намысын ешкiмге таптатпаймыз!» (Жанша Досмұхамедұлы) немесе «Хан баласының мойнында қазақтың өтелмеген қақысы бар еді, соны ақтауға тырысам, қазаққа қайтсем де қызмет қылам» (Әлихан Бөкейханұлы) деген алаш арыстарының ағартушылық жолымен жүріп өткен Асқар Закариннің өнегесін бүгінгі әңгімемізге өзек етпекпіз.
«Построить комплекс зданий Казахского государственного университета имени С.М.Кирова на 5 тыс.студентов, состоящий из учебно-производственных зданий обьемом в 300 тыс.кубометров, студенческих общежитий – на 3000 мест, жилых домов для профессорско-преподавательского состава на 150 квартир.
Министерству высшего и средного специального образования Казахской ССР в 1966-1967 годах обеспечить изготовление проектно-сметной документации на строительство комплекса зданий Казахского государственного университета им. С.М.Кирова.
Секретарь Центрального комитета КП Казахстана Д.Кунаев».
Бұл – Қонаевтың бұйрығы. Осы бұйрыққа 1961-1970 жылдары С.М.Киров атындағы Қазақ Мемлекеттік университетінде ректор болған Асқар Закарин қол жеткізген көрінеді. Кеңес жылдарында мұндай шешімге жету ерлікке пара-пар әрекет еді. Талай жастың үмітін үкілеген ҚазҰУ қалашығының іргетасы міне, осындай қайраткерлердің арқасында қаланды. Жас ұрпақтың алаңсыз білімі үшін Асқар Закарияұлы аянбай еңбек етті. Бүкіл өмірі өнегеден тұратын ғалым жайлы естеліктер де қызық, әрі құнды.
«Ұстаз, ғалым, қайраткер ҚазҰУ-дегі механика-математика факультетінің жаңа ғимаратын салдырып, жоғары оқу орындары үшін біліктілікті арттыру факультеті мен философия-экономика факультетін, гидробиология, ихтиология, метеорология, жоғары математика, орыс филологиясы, қатты денелер физикасы кафедраларын аштырды, математика факультеті негізінде елдегі тұңғыш есептеу орталығын құрды. Студенттердің М.Әуезов атындағы әдеби бірлестігі, «Жеті муза» қоғамы да А.Закарин тұсында ашылды. Республиканың сыртқы саяси қызметіне басшылық жасағанда университетті халықаралық деңгейге көтерді, сол жылдары оқу орнында әлемнің 20 елінен келген ғалымдар мейман болып, студенттер 36 елге сапар шекті», – дейді ҚазҰУ-дің қазіргі ректоры Ғ.Мұтанов.
…
Шолпан Құрманбай
(Толық нұсқасын газеттің №14 (3648) санынан оқи аласыздар)