Газетімізді ашқан бетте алдымен көзіңізге түсетіні – еліміздегі және шетелдердегі әдеби-мәдени жаңалықтар. Бұл жолы тек әлем әдебиетінің күнпарағын парақтағанды жөн көрдік. Өйткені, шетелдік әдеби кеңістікте жақсысынан үйреніп, жаманынан жиренерлік тың ақпараттар жиналып-ақ қалыпты.

Достоевскийдің өзімен кешкі ас ішкіңіз келе ме? Олай болса, сізді жазушының дүниеге келген және 15 жыл өмір сүрген үйі қонаққа шақырады. В.Даль атындағы ресейлік әдебиет тарихы мемлекеттік мұра­жай­ының ұйымдастыруымен өтетін ерекше жоба аясында қаламгердің отбасы­лық дастарқанына қойылған және шығарма­ларында белгілі бір оқиғаларға қатысты сөз болатын тағам түрлерінен дәм тата аласыз. Бұдан бөлек, бүгінде мұражайға айналған жәдігер-үй ішінде саяхат жасап, жазушының тұрмыстық өмірі мен отбасылық асхана дәстүрлері жайындағы әңгімелерге қанық боласыз.

---

Әлем әдебиетінің көрнекті өкілдерінің бірі, жазушы Владимир Набоковтың Швейцарияда сақтаулы мұрағаттық заттары Ресейдің Ленинград облысы Гатчинск ауданындағы «Рождествено» мемлекеттік мұражай-үйіне өткізілетін болды. Ал, сәуірдің 10-ынан бастап мұражай-үйде В.Набоковтың 120 жылдығына орай «Владимир Набоковтың әдеби талдаулары мен ой-толғамдарындағы орыс әдебиетінің үздік шығармалары» деген атпен көрме өтеді

…

Дайындаған А.Жақыпова

(Толық нұсқасын газеттің №14 (3648) санынан оқи аласыздар)