Келер күннің кеспірі
Сәкен Сыбанбайдың «Ғаламтордағы махаббаты» туралы
Дағдарып барып даңғылын қайта таба бастаған қазіргі қазақ прозасының көшіндегі қаламы қуатты жазушыларымыздың бірі – Сәкен Сыбанбай екенін осы күні жалпы оқырман да, жазарман орта да танып, біліп отыр. Алайда, біздің бүгінгі әдеби қауым ұзақ үнсіздіктен әлі арыла қойған жоқ. Әйтсе де, шынайы шебер жазылған көркем туындылар пікір тудырмай қалмасы және анық. Осылай деуімізге Сәкеннің әңгімелері жайында жазылған жазушы, драматург Дулат Исабеков пен әдебиеттанушы Анар Қабылқақтың шағын сараптамасы дәлел болса керек.
Адамзатты тұйыққа апарып тірейтін утопияның бірі – урбанизм. Ал ақиқат біреу: адам – табиғат перзенті, оны табиғат анадан ажыратуға, әсте, болмайды. Алайда, «адамзат игілігін» көздеген ірілі-ұсақты механизмдер бұл күні уақыттан оза шауып, бәрімізді дедектете әкетіп бара жатқаны тағы шындық.
Адамның жады мен сезімін өшіріп, өзін механикаландырып, машинаға айналдырып жатқан жаһандану өркениетіне қарсылық – постмодернизм идеясында жатыр. Осындай тығырыққа протест идеясында жазылған шығармалардың бірі – Сәкен Сыбанбайдың «Ғаламтордағы махаббат» әңгімесі.
Сәкен кейіпкерлері – жалғызбасты келіншек пен оның жалғыз ұлы Санат өздеріндей мыңдаған қала тұрғындары сияқты төртбұрышты қуықтай пәтерде өмір сүреді:
«Есін еміс-еміс біле бастаған Санаттың жадына тұңғыш тұтылған сурет – бір бөлмелі пәтердің төрт қабырғасы, төрдегі сидам сирақты ескі орындыққа қонжиған қоңыр теледидар және соның ішіндегі құпия дүниенің құлпын ашар қара пультпен қаруланған қаршадай бала».
…
Анар Қабылқақ,
әдебиеттанушы
(Толық нұсқасын газеттің №7 (3641) санынан оқи аласыздар)