«ЖЕЛТОҚСАННЫҢ 16 КҮНІ» ДЕРЕКТІ ФИЛЬМІ КӨРСЕТІЛДІ
Желтоқсанның 18-і күні «Қазақстан» Ұлттық телеарнасынан мұрағаттық құжаттар мен нақты деректерге негізделген «Желтоқсанның 16 күні» атты деректі фильм көрсетілді. Онда еліміздің тәуелсіздікке қол жеткізуіне арқау болған 1991 жылдың желтоқсанындағы саяси оқиғалар баяндалған.
Фильм аясында Елбасы Нұрсұлтан Назарбаев эксклюзивті сұхбат берді. КСРО мен кеңестік республикалар басшылары арасындағы қарым-қатынас, сол кезеңдегі негізгі оқиғалар, Қазақстанның алдында тұрған әлеуметтік-экономикалық жағдайлар, ішкі саясаттың күрделі міндеттері туралы естеліктерін ортаға салды. Арнайы жобаның жетекшісі – Дәурен Абаев, фильм авторы – Ерлан Қарин.