ҚАЗАҚ АСПАПТАРЫНЫҢ ҮНІ ФРАНЦИЯ ДАЛАСЫН ТЕРБЕТТІ
Қазан айында Нұрғиса Тілендиев атындағы «Отырар сазы» академиялық фольклорлық-этнографиялық оркестрінің Еуропаға турнесі зор жетістікпен аяқталды.
Францияның Монпелье қаласындағы Ұлттық опера театрында және Канн қаласындағы атақты Мирамар залында екі концерт өткізген этнографиялық оркестр талғамы да, талабы да жоғары француздарды ұлттық аспаптарымыздың үнімен тәнті етті. Гастрольдік сапарды Қазақстанның Франциядағы елшілігі «Франциядағы Қазақстан күзі» атты бағдарлама аясында ұйымдастырған. Сондай-ақ, Алматы қалалық әкімдігінің өкілдері ауқымды мәдени шараның Қазақстан мен Франция арасындағы стратегиялық ынтымақтастықтың 10 жылдығына да арналғанын жеткізді.