2017 жылдың 6 қазанында М.Әуезов атындағы Қазақ мемлекеттік академиялық драма театрында көрнекті қоғам қайраткері, әйгілі әдебиет сыншысы Сағат Әшімбаевтың туғанына 70 жыл толуына және оның жары танымал жазушы Шәрбану Бейсенованың 70 жасқа келуіне арналған салтанатты кеш өтпек. Қазақ әдеби сынына сүбелі үлес қосып, жаңаша талдау-танымымен дараланған қаламгер ұлт әдебиетіне соны леп, тосын бетбұрыс әкелген болатын. Жиын ҚР Мәдениет және спорт министрлігі мен Ақпарат және коммуникациялар министрлігі, Алматы қаласының әкімшілігі мен Қазақстан Жазушылар одағы тікелей қолдауымен ұйымдастырылуда.